Jól og jólaminningar, hvert stefnum við.

Kæru bloggunnendur og aðrir lesendur. Jólin eru á næsta leyti. Hátíð ljóssins. Já,hátíð ljóssins, en um hvað er verið að tala. Hvað ljós. Kannski stjörnuna sem vísaði vitringunum veginn. Nei, það er verið að tala um ljós heimsins, frelsarann sjálfan. Hans vegna höldum við jól, gefum gjafir, skreytum jóltré og gerum vel í mat, hittumst og ræðum saman, og gefum börnunum sérstaka athygli. Allt þetta finnst okkur sjálfsagt og eðlilegt. Þá vaknar sú spurning, af hverju vilja sumir útrýma öllu sem kristið er úr skólum,a.m.k. í Reykjavík. Kristindómur hefur verið vagga siðmentar í gegnum aldirnar. Að vísu hafa slæðst þangað óværur eins og dæmin sanna, en það breytir ekki grunninum að kristnum gildum.Þau standa óhögguð og upplýsandi, fögur og lýsandi fyrir hvern þann sem vill tileinka sér þau. Í minni minningu er kirkjan helgur staður, maður gekk hljóður um þetta hús trúarinnar og var ekki með háreisti og mas. Þetta var góð upplifun sem snart hjartað. Þessa tilfinningu vil ég gjarnan að fleiri upplifðu, en hvernig má það vera ef krökkum er haldið frá kirkjunni með boðum og bönnum. Í tækni nútímans, þar sem allt gengur út á hraða og tímaleysi foreldra, væri nú ekki gott að staldra við og hugsa sem svo, hvernig get ég haldið í við tíman en jafnframt sinnt sálinni í barninu mínu. Jú, látum ekki fáeina,háværa einstaklinga  ráða mun meira en þeir ættu, komum þeim skilaboðum áleiðis að við viljum fá kristnifræðslu inn í skólana aftur. Setjum okkur markmið fyrir næsta ár að fara með bænirnar með börnunum á hverju kvöldi. Er ekki í einum einasta vafa að þetta verða góðir einstaklingar. Þegar einhver segir, ég á mína barnatrú, er einmitt verið að tala um þessar stundir á kvöldin, þegar foreldri og barni áttu bænastund saman. Eigið öll gleðileg jól og farsælt ár sem í vændum er.

Athugasemdir

[Maðurinn (IP-tala skráð) 24.12.2011 kl. 13:54]

Sigh....

Það er ekki verið að banna kristnifræði.

Hvað er eiginlega að, verðið þið kristnir heimskir eða óheiðalegir þegar hlutir fara ekki í þá átt sem þið viljið? Það er verið að banna trúúúúúúúboð, ekki kristnifræði. Ef ég væri ennþá trúaður þá mundi ég svo skammast mín fyrir hvernig þið eruð að haga ykkur þegar þið talið um þetta mál....

Og jólin eru hátið ljóssins því dagurinn er að lengjast, það er allaveg upprunalega meiningin fyrir hátið ljóssins.

Gleiðileg jól og áttu gott ár