Guðmundur Gíslason

Jæja, aftur er kosið til forseta. Hluti af lýðræðinu sem við höldum en að hluta. Höfum að vísu misst stóra sneið með orkupakka 3 og nú er verið að reyna að gefa marga firði sem "þjóðin á".Næst er bókun 35 sem gera okkar lög ómerk ef þau stemma ekki við ESB lögin, ESB lög skulu vera ofar okkar lögum. Nú þurfa menn að finna út hvað á að kjósa. Örugglega allt ágætis fólk en hefur misjafnan bakgrunn.Þá kemur spurningin hvað vantar okkur sem þjóð sem nýr forseti gæti gert fyrir okkur sem þjóð. Jú svarið er augljóst, við erum ekki með stjórnlagaþing sem yfirfer öll lög áður en þau eru staðfest. Svipað og Þýskaland hefur.þ.e. athugar hvort lögin standist STJÓRNARSKRÁ. Allir frambjóðendur hafa sagt að ef nógu margir biðja um það eða 30-40 þús. manns þá muni viðkomandi skoða málið. Ein undantekning er að einn frambjóðandi segist fara yfir lög frá þinginu ÁÐUR en hann skrifar undir löginn. Hann er löglærður og fyrrum dómari sem sagði starfinu lausu til að gera gagn fyrir þjóðina. Engin frambjóðandi annar hefur sagt hvernig hann ætlar að taka á þessum málum, bara að þeir muni skoða málið.

Er auðvitað að tala um ARNAR ÞÓR JÓNSSON

Hann kom inn sem varamaður á þingið í viku í senn. Akkúrat þá kom bókun 35 en okkar maður hélt þvílíka ræður að tillaga um bókun 35 var dregin til baka og sett í salt. Ef einhver annar verður kosin forseti kemur þetta aftur og rennur í gegn!!

Ætla ekki að ræða núna um hvernig menn geta fengið niðurstöðu í könnunum áður en menn fá að kynna sig en eitthvað hallar á hlutleisti þar. Minni á upphlaup til hjálpar sínum manni varðandi gjafagjörning Dags og lóðir olíufélagana.

Svo nú er að líta inná við og hlusta á sitt eigið hjarta, sjálfur stóð ég ásamt 170 mans framan við alþingi og mótmælti orkupakka 3 og hugsaði, er öllum alveg sama um verðmæti landsins og hag barnanna okkar. Þetta blogg er smá tilraun til að vekja alla til góðra verka.

Kjósum Arnar þór jónsson okkur til heilla!!!

Gott fólk. Við erum um það bil að velja forseta til næstu fjögura ára. Við erum líka að afnema höftunum!! Þeir sem fylgjast með pólitík í Ameríku vita að sá vinnur sem hefur úr mestu að moða, er sem sagt ríkur eða hefur aðgang að fé, nú eða mikin aðgang að fjölmiðlum. Sá sem hefur aðgan að þessum atriðum báðum hlítur að ná langt að minsta kosti. Ég spyr mig þessarar spurningar, er samband á milli þess að einn frambjóðandi dúkkar upp eftir að fjölmiðlar hafa hampað honum í marga mánuði á undan framboði og getur haft fjölda manns í launaðri vinnu í marga mánuði?? Aðrir verða að treysta að mestu á sjálfboðaliða. Getur verið að samband sé á milli þeirra sem eiga fé (hér og þar í skattaskjólum og vogunarsjóðum) og eins frambjóðandans? Væri nú ekki amalegt að hafa forseta í vasanum ef mikið liggur við og allir vilja kjósa um eithvert mál en þeir vilja það ekki. Kanski er þessi ótti minn ástæðulaus, en eitthvað er skrýtið við framboð sem byrjar á 60-70% atkvæða. Eru þessir sömu fjölmiðlar ekki að gera könnun? Hver reiknar stigin. Skoðanakönnun er skoðunarmynndandi. Menn segja að forseti hafi engin völd, Ólafur Ragnar veit betur og nýtti sín völd eins og alþjóð veit. Dæmi um vinavæðingu forsetans úr hans tíð eru fjölmiðlalögin. Þar var hann að gera góðum vinum greiða ,Jóni og Ingib. Útkoman er þessi dæmalausa saga 365 veldissins og annara fyrirtækja undir sömu eigendum, sem hefur ekkert breyst þrátt fyrir hrunið hjá okkur hinum! Mín spurning er þessi, ef ég á nokkur þúsund miljónir, væri það ekki sterkur leikur að kaupa eitt forsetaembætti fyrir 100 miljónir og geta seinna komið í veg fyrir að ég þyrfti að borga 2000miljónir (tvö þúsund miljónir)í skatt. Góð fjáfesting þar. Við erum að velja til næstu fjögura ára. Hver af þessu frambjóðendum kæmist að niðurstöðu vegna reynslu og hver fengi ráð hjá ??.

Við lifum á undarlegum tímum. Sumir komast upp með að gera ótrúlegar vitleysur og menn bara gleyma því á 4 dögum, aðrir gera enga vitleysu og allir muna það. Þetta er eins og með lygina, það trúa henni allir, mátt alveg segja sannleikan en það breytir engu, engin trúir honum!! Við erum því miður fljót að gleyma og pólitíkin treystir á það. flestir búnir að gleyma að VG og Steingrímur gaf tvo banka, fattaði svo nokkrum mánuðum seinna að það var bannað með lögum, svo hann breytti lögunum afturvirt.Aukaatriði?, veit það ekki hitt veit ég að siðlaust er það. Svo eru það aldraðir, ég man vel þegar umræðan var á þinginu um lífeyrissjóði, þá var þráspurt um hvort ríkið ætlaði að komast hjá því að borga öldruðum ellilaun, nei var svarið, þetta átti að vera auka svo fólk gæti notið ellinnar. Hvílík lygi, lygi sem allir eru búnir að gleyma, enda er kerfið orðið það stórt að það fer allt í þá hít. Við verðum að vinda ofan af þessu, forgangsraða og muna að það eru reglur sem embættismenn eiga að fara eftir. Stundum gæti maður ætlað að kerfið hafi verið stofnað fyrir embættismennina,sjá umfjöllun um fjölfatlaða stúlku sem passar ekki inn í kerfið þeirra í RVK. Þrátt fyrir þetta er fullt af góðum hlutum í gangi, spurning hvort bros og gott skap sé ekki rétta meðalið

Veit ekki hvort menn skilja samhengi hlutana en ef einhver hópur tekur 60 kr. af 100 mögulegum eru bara 40 eftir. Þetta skilja flestir vonandi. Um síðustu áramót samþykktu stórir hópar launamanna 3,8% hækkun launa í trausti þess að það væri skynsamlegt og allir sem áttu ósamið færu sömu leið. En hvað gerðist? Jú, hópar eins og kennarar, sem sannanlega þurftu að fá leiðrétting sinna kjara, vildu hana strax. 27% og engar refjar. Það sem gerðist var að minnsta kosti tvennt. Það hækkuðu skattar á þá sem höfðu samið um rúm 3% og setti línu fyrir aðra hópa að þvinga fram meira en almennt var samið um. Núna eru læknar í skærum og háskóla lið að ráða ráðum sínum. Gott og vel en, þegar hinn almenni launþegi setur fram sínar kröfur í þessum sama dúr,25%, ja þá er eins og það sé alveg sérstök frekja. Þjóðfélagið ræður ekki við svona vitleysu. Hverslags tvískilningur er þetta eiginlega. Allir eru löngu búnir að gleyma að kaupmáttur byggist á verðmætaaukningu, ekki hótunum um vinnustöðvun. Og þá erum við komin að kjarna málssins. Ef 20% fá 60% af kökunni er hætt við vandræðum! Hin hliðin á bættum eða verri kjörum er hlutir eins og skattar. Ég get ekki betur séð en að "kerfið" sé orðið það stórt að við höfum ekki efni á að veita þjónustuna sem kerfið á að veita.Skattarnir eiga að tryggja okkur fyrir skakkaföllum eins og veikindum. Ef við verðum veik og þurfum að nota kerfið kostar það okkur stórpening. Þetta er bara aukaskattur og ekkert annað. Annað dæmi. Nú á að fella niður vörugjöld,í þessum kerfislið eru fjöldi manns sem gera fátt annað en reikna vörugjöld eftir reglum sem engin skilur. Allt í einu er þetta annars ágæta fólk verkefnalaust. Auðvitað á að nota tækifærið og minka kerfið þarna, er þó nokkuð viss um að það fær vinnu annarstaðar í kerfinu. Það er lögmál að halda kerfinu við og stækka ef hægt er!

Nokkrar fréttir hafa verið að undanförnu um aðila sem reyna að narra börn upp í bíl. Þetta er auðvitað algerlega óhæft. Samt er það skrítið að opinberar tölur segja þetta hafa  minkað, "að meðaltali" eða að glæpir almennt séu í lámarki. Hvað þíðir svona í raun, jú prufum þetta á eigin skinni. Útidyrabjallan glymur og þú hraðar þér til dyra, fyrir utan stendur lögreglumaður/prestur og tilkynnir þér að barnið þitt hafi verið svívirt af ókunnum manni. Hann komst undan en málið er í rannsókn. Þú ert beðin að koma upp á spítala þar sem barnið er í rannsókn. Þekki engan sem hugsar núna, "að meðaltali átti ég að sleppa" Þeir ógæfumenn sem fremja svona glæp eru veikir og þurfa aðstoð. Einn svona glæpur er einum of mikið. Það er engin afsökun að við séum blönk eða að þetta var ekki tekið með í síðustu fjárlögum, við verðum að hjálpa þessum einstaklingum þannig að þeir verði afhuga svona sálarmorði. Ætla ekki að hætta mér þangað sem stríð geisa, þar virðist allir vera verðlausir , bæði börn og konur svo maður tali nú ekki um karlana.

Góðar fréttir af væntanlegri stækkun á þjóðarkökunni. Nú er lag að setja lög og reglur til að jafna ýmsa vankanta eins og tolla og gjöld. Það gengur ekki að einhver fái vernd fyrir sína vöru svo verðið haldist hátt eða að mismunandi virðisauki eftir því hvort vara er framleidd hér eða utanlands. Dæmi; prentuð vara innflutt ber 7% VASK en innlend prentun 25,5%. Veit að það verður ekki lækkun svo best væri að allir borgi þá 25,5%. Annað sem væri gráupplagt að gera núna þegar atvinna verðum meiri, að minka ríkisbáknið niður í eðlilega stærð. Gætum byrjað á mannanafnabatteríinu og námsgagnastofnun sem ekkert gefur út og nær ekki að hafa eftirlit með nokkrum sköpuðum hlut. Fleira mæti nefna,síðar.