Ár og ónotaðir dagar framundan!

Já, nýtt ár mætt á svæðið. Var að hugsa hvort maður ætti að rifja upp væringar um útrásina, en, nei. nenni ekki lengur að ergja mig á því, það mundi engu breyta nema hvað ég færi í vont skap. Nú er það bara næstu skref eins og niðurfelling á fullt af skuldum, uppbygging fyrirtækja og ný hugsun í nýsköpun sem nýtist öllum til góða. Þurfum að vera svolítið opin og til í að fara út fyrir kassann. Ótrúlega sorglegt hvað margir farast í bílslysum, jafnvel bráðungt fólk, sárar en tárum taki. Ef við förum yfir stöðuna þá hafa ekki verið slys á keflavíkurveginum eftir að hann var tvöfaldaður, vitum auðvitað ekki hversu mörgum lífum var bjargað, en allir sem hafa ekið þessa leið geta þakkað fyrir. Þetta er fjárfesting sem borgar sig. Þá kemur upp spurning um aðra vegi á landinu. Ek sjálfur mjög oft um veginn yfir Hellisheiði að Selfoss. Umferðin er oft mjög mikil og fer hratt, þarf ekki mikið útaf að bera til að vandræði gætu átt sér stað. Þó það sé skrítið eru það þeir sem aka of hægt sem valda mestri hættu, það veldur ótrúlegri spennu hjá þeim sem eru fyrir aftan og margir reyna framúrakstur við vonlausar aðstæður. Það þíðir ekkert að segja, voða liggur öllum mikið á, meðalhraði við bestu aðstæður er 97 km, ef allir halda þeim hraða fer engin, eða mjög fáir framúr. Með meðalhraða er ég að tala um 93-99 km. EKKI 85km þar sem ekki er hægt að aka framúr og 110 þar sem tvær akreinar eru, og nú er ég að tala um sömu aðila! Varðandi Hjúkrunarheimilið í Hafnafirði, þeir sem þar búa eru þar vegna þess að þeir þurfa aðstoð við flesta hluti, þeir eru ekki fólk sem hringja í ráðherra eða ráðamenn yfirleitt, þess vegna eiga þeir sem stjórna þessum stofnunum að sjá um að tala fyrir hönd þessa fólks, ekki að binda það bara við rúmið, Skammist ykkar bara. Ef stjórnendurnir geta ekki hugsað um sitt fólk, farið bara að gera eitthvað annað, þessi framkoma er ekki boðleg hundum hvað þá meira. Skora á þá sem málið varða að ganga fram fyrir skjöldu, ekki bara á þessum stað heldur alstaðar þar sem pottur er brotin í umönnun aldraðra.

Uss, nú er ég allt of neikvæður, það er bara að stundum verður maður aðeins að blása. Sýnist reyndar að bjartsýni verði hlutskipti okkar á þessu ári miðað við hvernig atvinnulífið er að lifna við, góðu heilli. Ótrúlegt hvernig ferðamenn þyrpast til okkar og heillast af landinu og fólkinu sem hér býr. Verðu samt að vara okkur á að það verður ekki endalaust 10-15% aukning á ári. Væri gott að skulda ekki of mikið þegar hægist aðeins á! Hvet mig og alla að nota þetta flunkunýja ár til góðra verka.

Jólin 2013

Kominn annar dagur jóla, ótrúlegt hvað tíminn fer hratt yfir! En, ósköp eru þetta notalegir dagar,,,hjá mér! Ég get nefnilega bara talað fyrir mig. Var að hugsa í nótt kl.2 þegar ég heyrði í krökkum vera með læti út í þessum kulda, af hverju eru þau ekki heima í faðmi fjölskyldunnar. Sjálfsagt margar ástæður en vonandi finna flestir fyrir helgi jólanna, án áfengis og vímuefna, sérstaklega ef börn eru annars vegar. Þeir sem fóru í kirkju og hlustuðu á fagnaðarerindi jólanna líður örugglega vel í hjartanu, það er svo mikill erill flesta daga að við sjáum ekki hvað skiptir máli. Hvað skiptir þá svona miklu máli að við þurfum að staldra við? Jú,okkur þarf að líða vel með það sem við erum að gera, aðeins þannig getum við gefið öðrum af heilum hug. Nú er ég ekki að tala um gjafir og peninga, heldur það sem allir þurfa, hlýju, hvatningu, huggunarorð, bros. Þetta er ekki flókið og öllum líður vel að gefa þetta, en gerum við nóg, lætur okkur ekki betur að vera ópersónuleg og heimtufrek, ég veit það ekki, hver svari sjálfum sér! Við ný áramót er gott að setja sér markmið fyrir næsta ár. Löngu búin að sjá að það eru litlu markmiðin sem yfirleit nást, ekki það að stór markmið séu síðri. ég tek þessi litlu, brosið og þann pakka, lofa ekki að mér takist það en maður verður að reyna. Byrja á hverjum morgni með því að brosa í spegilinn. Einhverstaðar verður maður að byrja, ekki satt! Vonandi hafa allir notið jólanna, óska þér gleðilegra jóla og birtu og gleði á nýju ári.

Dagurinn í dag

Sagt er að þú getir valið að láta þér líða vel með því annað hvort að "gera ekkert sem þú sérð eftir" eða "sjá ekki eftir neinu sem þú gerir" Ég vel seinni kostinn því hann er meira lifandi og uppbyggilegur. Það hafa verið þættir í sjónvarpinu um allskyns veikindi,hamfarir,stríð, hungursneiðar og margt fleira. Hvað er að okkur jarðarbúum. Við lifum í x mörg ár og deyjum svo, hvort sem okkur líkar það vel eða ekki eins vel. Hvaða máli skiptir það þá hvort nágranni fær leyfi til að byggja húsið 60 cm. hærra en mitt hús. Eða hvort íbúar í íbúðum aldraða fái að ráða litnum á gardínunum! Mæli með skinsemi á öllum sviðum, málið er nefnilega það að flestum finnst hinir eigi að gera eitthvað, ekki ég. Jarðarbúum fjölgar sem aldrei fyrr, hver á að passa sig og eignast færri börn? jú, útlendingar! Hvað útlendingur sem er, bara ekki við sko! Held að það þíði lítið að setja lög um svona hluti, þurfum bara sjálf, hvert og eitt að ákveða hvernig framtíð við viljum. Gætum t.d. ákveðið hvert og eitt að kaupa eitthvað sem er vistvænt og sjálfbært, en aldrei sjálfhverft og óvistvænt. Tökum tryggingafélög, banka, prentsmiðjur, bíla, helíumblöðrur, dekk á bíla. Pælum í hverju og einu, hvaðan fá þeir rafmagn, hvað gera þeir við hagnað, vinna þeir að uppbyggingu eða hugsa bara um eigin arð. Veit um pappírsframleiðanda sem notar allt grænt og þeir framleiða rafmagn sem þeir nota með vindhverflum. Við sem notendur vöru og þjónustu ráðum. Hver og einn geri það sem hann/hún telur rétt og sanngjarnt, reynum ekki sífelt að drottna yfir öðrum, næsti maður hefur nákvæmlega sama rétt á lífinu og þú sjálfur

Umræðan

Miklu púðri hefur verið eitt í vegspotta í Garðabæ. Vegagerðin gerð að blórabögli fyrir eitthvað sem bæjarstjórn ber ábyrgð á, til að bæta gráu ofan á svart eru vélar verktakans skemmd. Nú hef ég hvorki aðstöðu né heimilisfesti þarna, en ef menn hafa ekki lögsögu í máli, er þá ekki rétt að láta gott heita? Þeir sem búa í þessu sveitarfélagi láta bara skoðun í ljós í næstu kosningum! Skil reyndar ekki hvernig svo margir geta verið í fríi frá vinnu viku eftir viku til að stunda mótmæli. Var sagt að "mótmæla" vinna gæfi vel af sér, en ég sel það ekki dýrara en ég keypti. Áhugamenn um landsleiki fara mikinn, með réttu sýnist manni, allir miðar búnir þegar venjulegt fólk vaknar og byrjar venjulegan dag. Þekki tvær dömur,7 og 11 sem fóru með pabba sýnum á alvöru leik. Þær fullyrða að það væri miklu skemmtilegra en að horfa á sjónvarp. Með svona leikfléttu, að selja kl 4 á nóttu, komast þessir krakkar ekki einu sinni í röðina, hvað þá meira! Er með tillögu til úrbóta, allir sem hafa fengið frí(boðs)miða komi með skrifleg rök fyrir því að þeir fái frímiða áfram. Kannski hafa nokkrir rök fyrir sínu máli, en ekki margir, ekki 4700! Það telst ekki rök að fyrirtæki styrki deild eða landslið, nema styrkurinn sé kaup á x mörgum miðum, þá vita menn það bara. Tengdadóttir mín bendir á að allt upphlaupið vegna leiksins hafi verið sem brunaboði á meðan ekkert heyrist um hvenær á að stöðva uppboð á heimilum fólks og börn eru rekin út í kuldann, fjölmiðlar jafnvel farnir að afsaka þetta með að jú, fólk tók nú allt og mikið að láni fyrir hrun, bara þeim að kenna. Er ekki kominn tími til að taka ákvörðun um framtíðina, það verða fleiri landsleikir við getum bara haldið utan um börnin þegar þau eru börn! Notum þennan dulda kraft til góðra verka, ýtum við kjörnum fulltrúum og látum þá vinna vinnuna sína. Góður vinur minn kom með hugmynd um rekstur spítala "http://www.visir.is/landspitalinn-getur-fengid-milljarda---ef-thjodin-vill/article/2013710299991" Líst vel á þetta en óttast að þetta fái ekki brautargengi. Marga ástæður fyrir því, flestum finnst  nóg um þá skatta sem þeir borga nú þegar. Eftir nokkur ár verðu þróunin sú að þeir sem geta, kaupa sér bara tryggingu fyrir spítalavist, hinir missa bara ævisparnaðinn ef þeir þurfa læknisþjónustu, minnir óþægilega á ameríska kerfið, ekki satt?

Allt í plati!

Virðist vonlaust að tala um stjórnmál núna, nokkrum dögum fyrir verslunarmannahelgi, verð bara að koma þessu á blað! Við erum að fá verri einkunn hjá þessum sjálfskipuðu hugsuðum sem gefa þjóðum efnahagslega einkunn. Fyrst var það þjóðin og borið við að ekki mætti nota peninga hrægammasjóða og svo Landsvirkjun, sem hefur þó gengið vel undanfarið. Ef við leggjum saman tvo og 2 fáum við fjóra. Hrægammasjóðirnir eru farnir að beita afli sínu gegn okkur. Þeim er nokk sama um landið Ísland, vilja bara græða á fjárfestingunni sinni. Það sem ég er að benda á er að ef við snúum okkur ekki að því að svara fyrir okkur, eignast þeir bara allt, eða eyðileggja allt, landið verðu gjaldþrota og við neyðumst til að afhenda landið í heilu lagi. Minni á Grikkland, þeir fengu fullt af lánum sem þeir geta ekki borgað = hrægammar eiga land og þjóð! En hvað á þá að gera? Jú, við setjum strax lög um hrægammasjóðina, getum ekki beðið eftir að þeir komi með einhver tilboð! Tökum bara gjaldeyrishöftin af og sá sem vill aurana sína borgar 85%skatt af þeim. Held reyndar að þeir kæmu áður en lögin væru samþykkt og óskuðu eftir samningum sem væri um 81-83% skatt. Þetta eru þvílíkir peningar að hvert prósent er stórfé. Nú, þá er það frágengið! Næst mál, fríverslunarsamningur EU við USA, við verðum að vera þar inni, stjórnvöld verða að nota öll ráð til að tryggja það. Virðist lítið vera að gerast á þeim vístöðum. Að lokum þetta,  þeir sem fara í stjórnmál og þjóðin velur til starfa, látið ekki sitja við orðin tóm, verið áhugasöm um velferð þjóðarinnar, gylliboð eru engum til gagns nema hugur og athöfn fylgi. Notið embættismannakerfið til að komast þangað sem við viljum vera! Það er rétta aflið sem þið hafið í hendi ykkar. Ef þeir eru að draga lappirnar, skiptið bar út. Menn eiga að vinna það sem fyrir þá er lagt. Stjórnmálamenn eru kosnir stjórnendur, ekki embættismenn, þeim ber að gera vilja stjórnenda, innan ramma laga!

Trúmál og siðferði

Var að hugsa, trúmál og siðferði, hvað er það eiginlega í hugum fólks. Veit auðvitað ekkert um það, svo mart sem maður veit ekkert um. Trúi því hinsvegar að flest fólk sé gott fólk. Fór í messu í Skálholti í dag, hvítasunnudag, ótrúlega uppbyggilegt og skemmtilegt. Tveir einstaklingar fermdust þarna. Tók sérstaklega eftir mörgu sem var sagt við mig, þegar ég var fermdur, og var komið í þoku. Mæli með að fólk drífi sig þó ekki sé verið að ferma hjá því sjálfu. Eitt af því sem ég tók eftir hjá prestinum var þessi von um að viðkomandi mæti öðlast sýn á hið góða í öllu og öllum, að fylgja línu fyrirgefinnar og upphefja sjálfan sig ekki yfir aðra. Mér leið vel undir þessum orðum. Hinsvegar veit ég að þessi leið er of sjaldan farin, allir vita allt miklu betur en næsti maður, við svörum fullum hálsi, hvaða vitleysa, mín skoðun er sú rétta. Hvernig væri nú ef hver og einn liti svo á að allir aðrir gætu verið með betri eða réttlátari lausn, væri ekki þess virði að hlusta. Var rétt áðan að lesa grein eftir þýðanda hjá Stöð Tvö. Veit að vísu að þetta er hennar hlið, en hef enga ástæðu til að rengja hana. Hún fær krabba og á meðan hún er í veikindum sínum er hún rekin,57 ára gömul eftir 25 ára starf, með 20 daga fyrirvara. Löglegt, sennilega. Siðlaust, já, samkvæmt öllum samskiptum manna er þetta ókristilegt og níðingslegt. Ekki mikill kristilegur kærleikur þar. Í framhaldi af því datt mér í hug hvort ekki væru margir sem vildu kaupa þrotabúið, þegar allir hafa sagt upp áskriftinni, og félagð fer í þrot. trúi því að engin muni missa vinnuna, fá bara nýjan og betri eiganda að fyrirtækinu. Væntanlega kæmu áskrifendur aftur! En, ég er bjartsýnismaður og trúi að þessi ólánsmiðill sjái að sér og lagi óréttlætið!

Kosningalokinn!!

Loksins eru við búin að kjósa það sem við vildum sjá inni á þingi. Væntanlega allir glaðir með sýna menn, eða hvað? Get nú ekki betur séð en sumir vilji eitthvað annað en það sem væri borðleggjandi. 54% af þeim sem  kusu sáu fyrir sér tvo flokka í stjórn. XD og XB, En, neiii, Sigmundur D. sýndi sitt rétta andlit og kýs að tala við nokkra flokka í stað þess augljósa. Hann sagði að vísu fyrir kosningar (óljóst) að þetta gæti nú alveg eins orðið. Eins og Íslendingar séu nú ekki búnir að fá nóg af vinstra hallanum! Mín kenning er sú hann er að gera alla svo reiða að enginn vill vinna með honum, og viti menn, hann þarf ekki að standa við loforðið sem hann gaf þjóðinni þess eðlis að vogunarsjóðirnir borguðu bara skuldir fólks. Minnir á anda í flöskunni! Þrjár óskir, púff, allir skuldlausir og geta byrjað upp á nýtt að safna skuldum í óðaverðbólgu. Ófögur sýn sem fáir borgarar vilja horfa á. Aha, þarna kom það, það vill engin horfast í augu við neitt, bara að fá það á silfurfati. Staðreyndin er þessi, það átti að taka vísitöluna úr sambandi 2009, en var ekki gert vegna þess að vissir aðilar, sem höfðu spilað með fé almennings, gátu þá ekki réttlætt tapið. Ríkisstjórnin var skíthrædd við að hinir og þessir peningamenn færu í mál heimtuðu skaðabætur, þeir aðilar fengu bara að búa til reglurnar. Fólkið mátti bara éta það sem úti frís. Fjórum árum seinna er þetta ekki möguleiki af mörgum ástæðum. T.D. hver á að fá niðurfelt lán, þeir sem skulduð eldri lán en frá 2006, eða bara þeir sem tóku lán 2006-2008. Hvað með þá sem sýndu ráðdeild og skulduðu lítið sem ekkert, þeir töpuðu sínum aurum í inneignum lífeyrissjóða. Ættu þeir ekki að fá bætur. Mín skoðun er einföld, ef peningar verða eftir úr gömlu bönkunum, er það eign þjóðarinnar. Þetta fé skal þá nota til að greiða niður skuldir ríkissjóðs. Það kemur öllum til góða, veldur ekki verðbólgu ef rétt er að farið, lækkar vaxtagreiðslur þannig að stofnanir geta farið að funkera, eins og spítalar og mentakerfið, viðhald vega og fleira. Við höfum haft vinstri stjórn í fjögur ár, ef framsóknarflokkurinn ætlar að vinna vinnuna með vinstri flokkum er ekki von á góðu, því miður. Mér finnst að hér eftir verði menn að gefa upp fyrir kosningar með hverjum þeir ætla að vinna. Fyrir þessar var því ekki mótmælt þegar blöð spáðu samstarfi framsóknar og Sjálfstæðisflokks, þó að einn hafi hugsað sér annað án þess að segja. Þetta gaf framsókn fullt af atkvæðum, sem hefðu farið annað ef menn hefðu vitað hver var ósk formannsins. Fer ekki framhjá nokkrum manni að framsókn er en á því að samvinnuhreifinginn hafi verið snilld, þó engin hafi grætt á því nema framsókn, bændur borguð þann brúsa. Ég og fleiri borguð hinsvegar fyrir allan auðinn hans Finns og reglurnar voru bognar fyrir útgerðina hans Halldórs. Svo maður tali nú ekki um styrtarsjóðinn og hlutabréfasjóðinn sem var stofnaður og uppurin í tíð Steingríms og framsóknar. Flestir búnir að gleyma þessu eins og öðru. Ef hinsvegar einhver sýnir með tölum að þjóðin hafði það gott undir stjórn Sjálfstæðismanna er það talin áróður, en það er nú samt satt. Þeir segja að menn geti logið hverju sem er, það trúa því allir, þú mátt líka segja sannleikan, en það trúir honum engin! Skrítið þetta líf stundum.

Loforð

Ef allir kjósa mig lofa ég að allar skuldir falli niður og hver og einn fái miljón á sinn reikning. Bíddu, bíddu lagsi, hvernig ætlar þú að gera þetta. Jú, ekkert mál, sko, ríkisstjórnin er að minnsta kosti tveir flokkar, hinir vildu þetta ekki, ekkert við mig að sakast. Berluskóní gerði þetta, fékk fína kosningu, en þarf auðvitað engu að svara um þetta.Spurning, er fólk fífl. Svari hver fyrir sig. Ég mun ekki kjósa framsókn, það er víst!

Bjartsýni í þjóðinni!

Veit ekki hvort menn hafi veitt því athygli, en bjartsýni virðis kominn í startholurnar. Er kannski ekki áþreifanlegt ennþá, bara eitthvað sem maður finnur á sér. Vonandi er þetta rétt og þó fyrr hefði verið og oftar, eins og maðurinn sagði. Auðvitað er það svo að þeir sem skynja þetta og eru fljótir til að sjá möguleikana verða betur settir þegar allt fer á fullt skrið. En, einmitt vegna þessa ástands hjá okkur lendum við sífelt í öldudal og svo á hábáru inn á milli. Við þurfum að hafa meiri jöfnuð í öllum rekstri, bæði ríkis og einkaframtak. Þar setur ríkið línuna með sköttum og slíku. Þess vegna hefði verið stert að lækka skatta við hrunið en hækka þegar betur gengur. Vonandi, og örugglega eru bjartar tímar framundan. þá er um að gera að borga niður skuldir fyrirtækja og einstaklinga. Við erum ekki farin að vinna olíu en, og gæti verið tími í það! Annað mál sem athygli er vert, "Harpan" þetta glæsileg og dýra kennileiti í miðborginni. Ég er búinn að fara nokkrum sinnum þangað, hlustað á flotta tónlist og fl. Mjög gaman, en höfum við efni á svona lúxus, sjálfsagt skiptar skoðanir á því. Mín skoðun er að húsið eins og það var við hrun,hálfbyggt, hefði verið besta áminning til okkar um hvað við eigum ekki að gera. Eftir fimmtíu ár væri húsið grotnað niður og jarðýtur séð um að grafa ósóman. Eins og húsið er núna virkar það sem hver önnur ryksuga á peninga, sem við eigum ekki! Getum ekki lengur borgað fyrir spítalavist veikra. Skömm að þessu. Úr því sem komið er eigum við að selja þetta hús með afföllum. En þetta góða veður undanfarið er bara gott fyrir sálina. Höldum bara áfram að auka bjartsýni, notum sannleika sem vopn í baráttuni fyrir því sem við teljum gott og gilt.

Stjórnarskráin aftur!

Mjög margir sem ég hef rætt við hafa í raun aldrei lesið stjórnarskrána. Samt vill fólk nýja! Nú er ég ekki að segja að ekki sé í lagi að yfirfara hana, það er sjálfsagt mál. En núverandi stjórnarskrá er býsna góð. Menn hafa breitt nokkrum atriðum vegna vægi atkvæða og slíkt, en að stofni er hún sú sama og í upphafi. Það sem vantar í hana núna er svipað ákvæði og í þeirri þýsku, þ.e. að okkur vantar stjórnlagaráð. Ráð sem fer yfir öll lög áður en forseti undirritar lög. Tékkar á hvort lögin standast stjórnarskránna. Þetta er ekkert smámál því stjórnvöld fara með vald eins og þeir eigi og megi hvað sem þeim dettur í hug. Gott dæmi um þetta eru eignarskattar í víðu samhengi. Að leggja skatt á eign einhvers, er brot á eignarétti. Eignaréttur er einn hornsteinn stjórnarskrárinnar. Ef stjórnlagaráð hefði verið við lýði, gætu stjórnvöld ekki farið fram með þessum hætti. Annað mál í þessum flokki gæti verið lífeyrissjóðir, þar eru allir skyldir til að borga í lífeyrissjóð (verkalýðsfélags) viðurkenndan af stjórnvöldum. Af hverju? Til að ríkissjóður sleppi við að borga ellilífeyrir? Auðvitað, en þá er þetta ekkert annað en eignaupptaka, skattheimta til framtíðar. Nú er það ekki svo að þú eigir þessa peninga, átt aðeins rétt á vissum aurum "ef þú lifir nógu lengi" Það má með rökum segja að það sé skynsemi að spara til elliáranna, mætti jafnvel setja það í lög, en þann sparnað átt þú sjálfur eða þínir eftirlifendur. Ef meðalmaður, sem byrjar að vinna fulla vinnu 22 ára og borgar í sinn eigin sjóð út lífið, getur hann lifað góðu lífi af þeim sparnaði í ellinni. Ef viðkomandi deyr, segjum 75 ára, getur ekkjan haldið sínu lífi áfram án vandræða. Miðað við útkomu lífeyrissjóðina eftir hrun er það engin trygging að hafa slíka sjóði. Hver og einn gæti fundið miklu öruggari sparleiðir. Ég er að segja með þessu að við höfum þetta í hendi okkar ef núverandi stjórnarskrá væri virt. Við þurfum ekki nýja, aðeins smábrettingar eins og þetta með stjórnlagaráð. Einnig getum við ætíð farið með mál sem hæstiréttur hefur dæmt um og við teljum rangan dóm fyrir mannréttindadómstól, eins og þetta með eignaskattinn. Þar var slegið á puttana á hæstarétti. Nú heitir þessi skattur eitthvað annað, en er jafn mikið lögbrot. Það kostar bara fullt að pening, sem ekki er of mikið til af hjá venjulegum Íslending. Umboðsmaður okkar er alveg vopnlaus. Við getum að minnsta kosti velt þessu fyrir okkur, spurt þá sem eru í framboði og svo framvegis. Ef við hlustum á þingmenn og ráðherra, eru þeir aldrei að svara, fara bara hringinn í kringum málið. Þá verður heldur ekki borið upp á þá að þeir hafi sagt þetta eða hitt. Við verðum bara að vera beinskeytt í spurningum okkar!